قصة الدفعة الأولى: ١٨ بلّشوا، ٨ أطلقوا، ٥ باعوا. بأسابيع
في ٢٠ مايو ٢٠٢٦ بلّشنا الدفعة التأسيسية الأولى: ١٨ خبير مجال عربي، أغلبهم ما كتب سطر كود بحياته، وما باع سوفتوير بحياته.
اليوم، بعد أسابيع مش سنين: ٨ أطلقوا MicroSaaS شغّال، و٥ وصلوا لأول بيعة.
هاي مش أرقام تسويق. هاي أسماء وراها منتجات، وأنا رح أوثّقها هون بالتفصيل، لأن أكبر خدمة بقدر أقدمها لأي حدا بيفكر يبني: يشوف ناس مثله عملوها فعلاً.
سكينة أمين: من «الشاشة السودا» لمنتجين
سكينة بلّشت وخبرتها التقنية صفر. حرفياً كانت تتهيّب الشاشة السودا، شاشة الأوامر اللي بيشتغل عليها المبرمجون.
اليوم عندها منتجان شغّالان. مش لأنها صارت مبرمجة، لأنها التزمت والنظام بنى الكود عنها. الجملة اللي بتلخص تحوّلها: ما بتحتاج تتعلم البرمجة، بتحتاج تتعلم تقود نظام بيبرمج عنك.
عبدالله الصميلي: خبير عقارات باع لشركة كبيرة بنفس الشهر
عبدالله خبير عقارات، صفر برمجة. بنى مساعد مبيعات عقارية ذكي، وباعه لشركة عقارية كبيرة بالسعودية بنفس الشهر اللي بناه فيه.
القصة الحقيقية مش بالبناء، بالبيع: بعد شهور من محاولات بيع بطرق ما اشتغلت، اللحظة الفارقة كانت لما غيّر طريقة عرض المنتج. كان يعرف السوق منيح، والنظام كمّل الباقي.
حياة منصور: باعت قبل ما يخلص المنتج
حياة خبيرة تخطيط مشاريع وضبط تكاليف وتدريب، مش تقنية. بنت أول MicroSaaS إلها لمكاتب الهندسة الإنشائية، من قلب خبرتها.
والجزء الأهم: قبل ما تخلّص المنتج، بلّشت تحكي عن فكرتها لعملائها. فاجاها أول «أنا زبونك» من داخل المجتمع. بعدها حكت لجمهورها على LinkedIn، فرفعوا إيديهم مهتمين، ووحدة دعتها تعمل جلسة تعريفية لمجموعة من عملائها المثاليين.
الدرس اللي بتكرره دايماً: البيع مش موهبة. هو إنك تعرف مين وجعه شو، وتحكي معه قبل ما تكتب سطر كود.
عبدالله القحطاني: «افتح يا سمسم»
عبدالله عنده خبرة مكثفة بمجال الامتثال. بنى منصة متابعة امتثال وتقييم مخاطر للشركات، وسمّى النظام اللي بيبني فيه «المارد»، لأنه بيحس إنه معه مارد بينفذ.
اليوم بيبني أكثر من MicroSaaS بنفس الوقت. ولما ييجيه طلب بناء من عميل، بيقول «نعم» على المكان، لأنه واثق إن وراه نظام بيشحنله منتج جاهز بسرعة.
ومعهم
عامر العدس بنى Fable لشركات البيع الإلكتروني. محمد الزول عم يبني لمحبي الأناشيد. دكتور محمد النسور بمجال مساعدة الأطباء. جاد رضا بالتسويق الإلكتروني. أحمد طويبية بالتعليم. وغيرهم: أطباء ومهندسون وصيادلة ومدرّبون ومستشارون، من السعودية والإمارات والأردن والسودان ولبنان والجزائر ومصر والعرب بأمريكا.
شو المشترك بين كل هدول؟
ثلاث أشياء، وولا وحدة منهم «الموهبة»:
- خبرة حقيقية بمجالهم. سنين، مش شهور. الخبرة هي المادة الخام لكل منتج من اللي فوق.
- نظام بيشيل التقنية. ولا واحد منهم صار مبرمج. النظام بنى، وهمّ قادوا. (إذا بدك تفهم النظام نفسه، اقرأ ما هو MicroSaaS ولماذا يجب أن تهتم.)
- قبيلة بتشيل الوحدة. مجتمع بيلتقي أسبوعياً، عشرة أشخاص بيشاركوا خمس تجارب بالأسبوع، بيطلعوا بخمسين تجربة. البقع العمياء بتنكشف قبل ما تكلف شهور.
واللي فرّق بين اللي وصل واللي وقف بنص الطريق؟ الالتزام. مش الموهبة، مش الحظ، مش التمويل.
بدك تكون بالدفعة الجاية؟
البداية مش قرار كبير، هي خطوة صغيرة: افتح دليل أفكار MicroSaaS المقيّمة، وشوف قديش في فرص قريبة من خبرتك إنت. وإذا بتحس إنك جاهز تمشي الطريق كامل زي هدول الـ١٨: تعرّف على الدفعة.
وإذا لسا بتسأل حالك إذا الموضوع أصلاً إلك، ابدأ من هون: ليش MicroSaaS أفضل مشروع جانبي.